3 egzemplarze tego tomiku Fundacji Poetariat Dzieciom poszły na Oddział dziecięcy Wojewódzkiego Szpitala w Rybniku
niedziela, 15 grudnia 2024
Brif do Dziyciontka
Poniższy wiersz został nagrodzony 2 miejscem w konkursie Brif do Dziycionka w Rudzie Śląskiej
Do Godow co prowda jeszcze je daleko
ale już terazki brif szkryfna do Ciebie
chocioż dzisioj momy ponoć nowe czasy
telefonu ni mosz pszeca tam we niebie
Komputer nic nie do choć to wynalazek
najnowszej techniki ludzie tak godajom
niy byda ich suchoł wciepia brif do krzinki
chocioż bez adresu ...na poczcie go majom
A że familijo mom we wielki zocy
a jo na robota je żech jeszcze mały
Łopieka Społeczno czasym coś dociepnie
kej roz my piniondze na grzoci dostali
Zrobiołech Ci lista nojważniejszych rzeczy
jak bydziesz mioł kwila łobejrzi dokładnie
prosza ło szczewiki dlo mamy i starki
by mogły w czym chodzić jak wielki śnig spadnie
Starzikowi sfonduj cieplutki spodnioki
wełniane fuzekle... czy to niy za wiela
jak poprosza do sia ło szalik i kurtka
byda jom łoblykoł na mszo we niedziela
A żech naszporowoł na briftmarka pszeca
brif na pewno dondzie do Ciebie przed czasym
toż jyno podpowiym żebyś niy zapomnioł
miyszkom niedaleko pod samiutkim lasym
Subskrybuj:
Posty (Atom)