Podhalański mamidła

Nisko nad dolinom śnikiym łociynżałe

płynom jak duszyczki kajś na zatracyni

szyfonowym szalym przikrywajom łonki

by siednońć na trowie kaj jich przeznaczyni

Zanim klara wyjrzi ze wiyrchu na skały

nim pohalo szpice tajymnicom mocy

kuskiym jak marzyni łobudzom poranek

biolutkim szlajerym łomamiom nom łoczy

Zawrzom w płaczkach rosy szczybne iskiereczki

pognajom ku gorom tesnoty krzidłami

namalujom dynga nad górskim potokiym

i tak cołki dzionek bydom blyskiym mamić

Rade za jich piykno zapszajom tyj ziymi

tak jak i górale kerzi w zocy majom

podhalański łonki pola i doliny

i jako jich gazdy ło nia sie starajom

R.Sobik

Wiersz ten otrzymał 1 miejsce w kategorii gwarowej w Konkursie Jednego Wiersza i. J.Tawłowicza w Zakopanem zorganizowanym przez Tygodnik Podhalański