Wschod
Jeszcze niy zdonżyło kuknonć spoza ziymi
jeszcze niy zdonżyła noc sie przed nim skować
a już ptok na stromie rozczpierzoł krzidła
by na powitanii przed nim zatańcować
Kej piyrsze promiynie łobudzonej klary
zicły se na szczypnych płaczkach potu rosy
i budzinc zaspane zagony pszynicy
wodom jak s krzczelnicy pokropiło kłosy
By cudym stworzynio łogrzoć łonki pola
blyszczy sie tak gryfnie jak wojok we zbroji
łoświetlajonc ziymia gorkimi smugami
rade wypełniło nakoz boski wole
REGINA .SOBIK 10.09.2021R
Brak komentarzy:
Prześlij komentarz