Kiedy płaczka spomniyń kulo sie po licu
kiedy dziyń jak kamiyń a żol serce rwie
kiedy ci sie zdowo że niy dosz już rady
śmioci bydzie lykiym na to co je złe
Refren ..Toż śmiyj na przekor ciynżkim dniom i ludziom
śmiych je pszeca darym ty go we sia mosz
jak umisz zatańcuj walca czy trojaka
bo los do ci tele wiela inszym dosz'
Kożdo kwila jyno krotkom i ulotnom
już sie niy powtórzy w życiu ani śnie
toż niy ślimtej jyno chytej życi we gorść
klara tyż bez chmury do nas śmieje sie
Refren ..Toż śmiyj na przekor ciynżkim dniom i ludziom
śmiych je pszeca darym ty go we sia mosz
jak umisz zatańcuj walca czy trojaka
bo los do ci tele wiela inszym dosz'
Zachłanny niy widzisz jak czas wartko leci
śmiociym go zatrzimej niech przi ciebie two
niech ci bydzie lykiym na śnik i dziyń kożdy
chocioż s płaczkom w łoku jednak szczyńści do
Refren ..Toż śmiyj na przekor ciynżkim dniom i ludziom
śmiych je pszeca darym ty go we sia mosz
jak umisz zatańcuj walca czy trojaka
bo los do ci tele wiela inszym dosz'
Regina .Sobik
Brak komentarzy:
Prześlij komentarz