1.Je taki miejsce na naszej ziymi
kajś przed wiekami trefioł sie cud
na miejscu dymbu kaj hostijo skryto
w podziynce kościoł wystawioł lud
Ref ...Chocioż godali w telewizorze
że w Jonkowicach ludziska spiom
a my jak na sprzyk stowomy rano
bo my robotne Ślonzoki som
2. A jak fajniście nom bijom zwony
na mszo wołajom kożdego s nas
łone nom zwoniom że tu na ziymi
wartko nom ciecze bez palce czas
Ref...Zaś niedaleczko w piyknej Studziynce
kaj ksiondz Walynty łod wiekow spi
ptoszki we grocie śpiywki świyrgolom
bo do Ponboczka tyż im sie cni
3. Toż my tyż dycko tukej chodzymy
bo las tu piykny i zielony
pora Zdrowasiek do Matki Boski
co czako w grocie porzykomy
Ref...Apel Fatimski do nieba niesie
ze światłym świyczek dźwiynczne tony
a nasze serca sie fest radujom
że taki miejsca u nas momy
słowa Regina Sobik
Brak komentarzy:
Prześlij komentarz