Śmiertka kosom sztyjc fachluje
toż bezrobotno nie bydzie
bo wiy że to na kożdego
i tak za kwila dran przidzie
Tera jeszcze kosa brusi
mo być łostro myni boli
niy ciynżko robota dlo ni
kej sie ji we rynkach poli
A ty człeku mosz swoj rozum
chroń sie przed niom wiela idzie
potym pszeca nic niy zrobisz
jak chorobsko na cia przidzie
A jak jeszcze jakiś wirus
co to tera mo przewoga
bydziesz kucoł ciynżko dychoł
i lamyncioł łola Boga
Toż wybiyrej co je lepsze
s maskom chodzić niy lamyncić
jak trza bydzie siedzieć doma
choćby miało cie pokryncić
I zrob na złoś beskuryji
niech ji ta kosa zaruści
jak bydziesz robioł co trzeba
bydzie musiała łodpuścić
Regina .Sobik
21.01.2021r
Brak komentarzy:
Prześlij komentarz