Tomik pokonkursowy a w nim dwa wiersze
Niy umi sie radować
Tuż przi samej drodze pochyło kapliczka
a w ni Matka Bosko ze łobrazu kuko
tak jak by czakała wieści łod wyndrowca
kieryn w utropiyniu tu retunku szuko
Lilijowy flider piykny jak marzyni
halany bez klara rozkwit dlo swej Pani
jak by chcioł płatkami podziynkować za to
że dycko przed Synym wstawio sie za nami
A Łona przejynto losym swojich dziecek
skoro głod ciyrpiyni w świecie niczym nowym
chocioż ziymia tonie calutko we kwieciu
niy umi radować sie piynknym majowym
Łokruciyństwa wojny zgasiły Ji radoś
kej to serca ludzki jak kupa kamiyni
mias pomocnej rynki dlo brata swojigo
rozloły po świecie twoga i ciyrpiyni
Nawet piykno maja nie umynszy bolu
tej co nom Mamulkom dycko jest i była
Łona tak pszajonco stawio sie za nami
i prosi by ludzkoś we pokoju żyła
-----------------------------------------------------------
Brak komentarzy:
Prześlij komentarz