Łeb zaś mje łod rana boli
w karku sucho w pysku poli
a tu jeszcze budzik zwoni
jak by leciało sto koni
S boku na bok sie przewracom
zloty potym czoło macom
barłog jak suchy strom trzeszczy
a tu jeszcze baba wrzeszczy
Toż żech sie zewlyg ze pryka
bo mje goni do haźlika
stowom i blikom do zdżadła
co tam widza kupa sadła
Ślypia myntne podkronżone
szkuty jakby przeżodzone
kichol jak ze pieca ruła
a na czole wielko buła
Jeszcze ta śliwa przi łoku
i srogi siniec na boku
choć żech jeszcze jest na fleku
pamiyńć wraco sie po leku
Widać w szynku haja była
ślubno do dom mje skludziła
możno jo trocha przesadzioł
i po drodze sie powadzioł
dostołech w łeb ..film urwało
łodtond musza sie wahować
i s wadzyniym przisztopować
Regina. Sobik
Brak komentarzy:
Prześlij komentarz