Tak fest sie lynkosz dnia
po kierym niy bydzie już jutra
kaj klara zgaśnie na dycko
i zblednie miesionczek na niebje
tak fest sie bojisz jutra
że już niy powiysz że pszajesz
kaj śmioci i radoś ucichnom
a w nicoś łodyndom marzynia
Tak fest sie lynkosz jutra
że budzik już niy zazwoni
a czajnik niy zagwiżdże
proszonc na gorko kawa
tak strasznie bojisz sie jutra
kiere już moge niy nadynś
kaj cichoś bydzie piekłym
do Tych co tukej łostanom
Regina Sobik
Brak komentarzy:
Prześlij komentarz