Mikołoj sie fest nerwuje że grudziyń śniegiym niy suje
lamynci że szkoda godać na ta niechersko pogoda
Łod downa sie prziszykowoł miech geszynkow naszykowoł
wyciongnoł ze szopy sonki ryniferom zapion zwonki
Zimne płaczki s nieba lecom jak to wyklaruje dzieckom
łon już tera mo pod gorka a tu za kwila Barborka
Ponoć je jakiś przisłowi yno wto mu ło nim powiy
przisłowia mondrościom ludzi trza nom jako starka skludzić
co mu wszystko wyklaruje kej Mikołoj niy kapuje
Niy trop że sie Mikołaju jo ci godom że w zwyczaju
jak Barborka je po wodzie to świynta bydom po lodzie
Regina Sobik foto https://www.google.com/search
Brak komentarzy:
Prześlij komentarz