Rybniczek s Nacyny choć mo swoji lata
na staroś łobejrzeć chcioł se konsek świata
choć miejsc do tej rajzy mioł pszeca bez liku
ale jak padajom nojlepi w Rybniku
A że żodyn mamlas ani żodno gapa
w ruksag wzion telefon GPS i mapa
siod do autobusa na placu Wolności
kaj wiela szkolorzy i rozmańtych gości
Kieronek Niewiadom gruba zabytkowo
widać zabudowa jakby cołkiyn nowo
miasto s autobusa wyglondo inacy
toż sznupie na mapie kaj je ta „Ignacy”
Jest .....a kumina ni ma bo i sie sie niy kurzy
choć downo godali że luft nom niy słoży
że truje i szkodzi i trza nom to zmiynić
tak pszeca uznali rozmańci uczyni
A tera „Ignacy”gruba jak marzyni
zabytkiym techniki nic tego niy zmiyni
industrialne serce choć stare fest bije
toż i ludkom wele tyż lepi sie żyje
Berkmony co czorne złoto dobywali
s starej technologje piyrsi korzystali
dzisioj dwie maszyny jeszcze sie ostały
taki co to napynd kiejś parowy miały
Łobejrzoł Rybniczek te czary techniki
a potym ze wieży szpica Bazyliki
co jom widać aż stond jak klara blicuje
i jak na tabuli na niebie maluje
Kiedy sie spamiyntoł że wrocić je pora
do miejsca pamiynci dobrego dochtora
a boł nim som Roger Juliusz mianowany
piyrwej zocny wszystkim dzisio mało znany
Kaplica lazaret w Rybniku zbudowoł
coż kedy zomb czasu to wszystko rujnowoł
rajcy i prezident utropa fest majom
toż jak yno idzie wszystko łodnowiajom
Zmochany Rybniczek wrocioł do Nacyny
kajś po drodze kupioł „Rybnicki Nowiny”
poczyto ło mieście wiela sie zmiyniło
kuknie do Grymlinej jak to downi było.
Regina Sobik luty 2023r foto szpitala https://pl.wikipedia.org/wiki/
Brak komentarzy:
Prześlij komentarz