We świecie kaj gardzi sie człowiekym
za kolor skory czy wyznani
zło sie rozpiyro rośnie w mocka
skryte pod maskom dobrych manier
Kaj los kludzi drogami życio
cygaństwa i ludzki podłości
darymnie chcioł byś wynś ze matnie
wciśniynty w romka codziynności
Kej świat pełny bezdusznych ludzi
kierych to jakoś nic nie wzruszo
mondroś powoga som nic niy wert
jich pszeca nigdy nic niy ruszo
Łoj świecie jaki je żeś dziwny
wybiyrosz ta legciejszo droga
a jo choć je żech starej daty
jakoś spokopić cie ni moga
Regina Sobik 26.01.2026r.
Brak komentarzy:
Prześlij komentarz