Brif do Dzioyciontka

We tyn Twoj geburstag Boże Dziycionteczko

dej wiela pokoju i radości deczko

żeby Gody były taki jak we niebie

żeby dobrych ludzi mog mieć wele siebie

Toż szkryflom brif do Cia wybocz łopowoga

u nas trocha biydnie jo niewiela moga

i mom tako prośba możno to za wiela

żebych niy boł głodny dej chleba za tela

Żeby ci bogocze na łoczy przejrzeli

s biydniejszymi łod sia umieli sie dzielić

i niy zaglondali że inszych to bodzie

yno s somsiadami dycko żyli w zgodzie

Żeby mamuliczka mieli zdrowi siły

a utropy s bankiym wartko sie skończyły

żeby nasz tatulek s ujkiym sie pogodzioł

i krzyźby do chałupy po szychcie przichodzioł

Żeby naszych grubow już niy zawiyrali

i tyn 500+ łod państwa mamulka dostali

a wtedy śmieciami polić niy bydymy

yno za te pniondze wongiel se kupiymy

Jo geszynku niy chca dostoł żech szczewiki

te na wyprzedaży kupiły starziki

do tego szal czopka widzisz że źle ni ma

yno piyknie prosza dej nom leko zima

Nie trza tak hajcować zaszporować idzie

i lyki do ciotki za co kupić bydzie

a geszynki prziniyś dlo siostry i brata

bydymy Ci wdziynczni aż do końca świata 

R.Sobik

KONKURS LITERACKI „ BRIF DO DZIECIONTKA” a to i nagroda napisana po naszymu i to bardzo przystępnie tak że wszystko rozumiem .Podziwiam mrówczą pracę autora Brawo!!! a oto co piszą na temat wydanego Testamentu -..... Śląska tradycja, wielopokoleniowy dorobek kulturowy i pszonie do naszy - Ślązaków - godki, a także pasja były głównymi czynnikami, które skłoniły Gabriela Tobora do przetłumaczenia najważniejszej Księgi Świata na język śląski. Ponad 600 stron, na które składają się cztery Ewangelie, Dzieje Apostolskie, Listy Św. Pawła, Listy Powszechne i Apokalipsa św. Jana. A wszystko przetłumaczone na język śląski.