Maj łoświytloł
ziymia szczebnymi płaczkami
pokroł piyrszo
zielyń szlajerym miynkości
zatańcowoł w
astach trojaka ślonskigo
łobudzioł
zwoneczki kuskiym jak marzyni
Polecioł jak
wicher do brzozki nad stawym
poczosać ji asty
zimom rozczochrane
kwila jeszcze
stanoł przi starej kapliczce
porzykać Litanio
Majowej Paniynce
A że troszka mu
sie markotno zrobiło
zwołoł wszystki
ptoszki co gryfnie świyrgolom
koncert piyrszo
klasa aż s nieba wyjrzało
słonko kere w
chmurach kasjś troszka przispało
Toż tera se pudom
na szpacyr we dwoje
jak młodzi co yno
ku siebie sie majom
a pora s nich
gryfno jako te gołombki
widać czuć i
słyszeć jak tej ziymi pszajom
R.Sobik maj 2012r.
Brak komentarzy:
Prześlij komentarz